பிகில் படத்தை தொடர்ந்து கைதி இயக்குநர் லோகேஷ் கனகராஜ் இயக்கத்தில் நடிகர் விஜய் "மாஸ்டர்" படத்தில் நடித்து வருகிறார். இப்படத்தில் விஜய்க்கு ஜோடியாக மாளவிகா மோகனனும், வில்லன் கதாபாத்திரத்தில் நடிகர் விஜய் சேதுபதியும் நடிக்கின்றனர்.
ராக்ஸ்டார் அனிருத் இசையமைக்கும் இப்படத்தின் படப்பிடிப்பு டெல்லி, கர்நாடகா ஆகிய இடங்களில் நடைபெற்று வருகிறது. வருகிற ஏப்ரல் மாதம் கோடை விடுமுறை தினத்தை குறி வைத்து வெளியாகவுள்ள இப்படத்தின் இரண்டு போஸ்டர்கள் வெளியாகி நல்ல வரவேற்பை பெற்றது. அதையடுத்து அண்மையில் வெளிவந்த குட்டி கத என்ற பாடலுக்கு அமோக வரவேற்பு கிடைத்தது.
விஜய் ரசிகர்கள் மட்டுமல்லாது அனைவரையும் ஈர்த்த இந்த பாடல் தற்போது வரை 17 மில்லியன் பார்வையாளர்களை கடந்து ட்ரெண்டிங்கில் வலம் வந்துகொண்டிருக்கிறது. இந்நிலையில் தற்போது எல்லோரும் ஆவலுடன் எதிர்பார்த்திருந்த இப்படத்தின் அப்டேட் ஒன்று கிடைத்துள்ளது. அதாவது மாஸ்டர் படத்தின் படப்பிடிப்பு முடிவடைய இன்னும் 11 நாட்கள் மட்டுமே உள்ளது என தகவல் கிடைத்துள்ளது. எனவே இனி படத்தின் ப்ரோமோஷன் பணிகளில் படக்குழு தீவிரம் காட்டும் என எதிர்பார்க்கலாம்.
