தாரைதப்பட்டை படம் பாலாவின் இமேஜை இடித்து நாசம் செய்தாலும், வரலட்சுமிக்கு வாய்ப்புக்கான வாசலை திறந்திருக்கிறது. வரலட்சுமி ஒரு திறமையான நடிகை என்பதை தாரைதப்பட்டை உறுதி செய்தது.
மலையாளத்தில் நிதின் ரெஞ்சித் பணிக்கர் இயக்கும் படத்தில் வரலட்சுமியை நாயகியாக ஒப்பந்தம் செய்துள்ளனர். இந்தப் படத்தின் நாயகன் மம்முட்டி.
ஆம், மம்மட்டிக்கு ஜோடியாக வரலட்சுமி நடிக்கிறார்.
மலையாளத்தின் பிரபல திரைக்கதையாசிரியரும், வசனகர்த்தாவுமான ரெஞ்சித் பணிக்கரின் மகன்தான் இந்த நிதின். அவர் இயக்கும் முதல் படம் இது.
தாரைதப்பட்டையில் வரலட்சுமியின் நடிப்பைப் பார்த்து அவரை ஒப்பந்தம் செய்ததாக நிதின் கூறியுள்ளார்.
