மெட்ராஸ் படத்தின் யுஎஸ், யுகே வசூல் நிலவரம்

மெட்ராஸ் திரைப்படம் தமிழகத்தில் வெளியான அதேநாள் யுஎஸ், யுகே, மலேசியா உள்ளிட்ட வெளிநாடுகளிலும் வெளியானது.

யுஎஸ்ஸில் முதல் மூன்று தினங்களில் 34 திரையிடல்களில் 73,240 யுஎஸ் டாலர்களை இப்படம் வசூலித்துள்ளது. நமது ரூபாய் மதிப்பில் சுமாராக 45.02 லட்சங்கள். மிக நல்ல ஓபனிங்.

யுகே மற்றும் அயர்லாந்தில் முதல் மூன்று தினங்களில் 17 திரையிடல்களில் 17,423 பவுண்ட்களை வசூலித்துள்ளது. ரூபாயில் 17.37 லட்சங்கள்.

மலேசியாவில் முதல் மூன்று தினங்களில் 8 திரையிடல்களில் 7.08 லட்சங்களை மெட்ராஸ் தனதாக்கியுள்ளது.

தமிழகத்தைப் போலவே வெளிநாடுகளிலும் சராசரிக்கு அதிகமாகவே மெட்ராஸ் வசூலித்துள்ளது குறிப்பிடத்தக்கது.