விறுவிறுப்பாக நடக்கும் இந்தியன் 2 ஷூட்டிங்… எப்பதான் ரிலீஸ் ஆகும்?

கமல்ஹாசன் நடிப்பில் ஷங்கர் இயக்கத்தில் உருவாகி வரும் ’இந்தியன் 2’ படம் தொடங்கப்பட்டு நான்கு ஆண்டுகளுக்கு மேலாகியும் இன்னும் ரிலீஸாகவில்லை. படப்பிடிப்புத் தளத்தில் நடந்த விபத்துக் காரணமாக மூன்று பேர் உயிரிழந்ததை அடுத்து படப்பிடிப்பு நிறுத்தப்பட்டது.

செப்டம்பர் மாதம் படப்பிடிப்பு தொடங்கும் என எதிர்பார்க்கப்படுகிறது. இந்நிலையில் படத்தில் வில்லன் வேடத்தில் நடிக்க நடிகர் சத்யராஜை இயக்குனர் ஷங்கர் அணுகியுள்ளதாக சொல்லப்படுகிறது. மேலும் மறைந்த விவேக் மற்றும் நெடுமுடி வேணு ஆகியோரின் கதாபாத்திரங்களிலும் வேறு சில நடிகர்கள் நடிக்க வைக்க முடிவு செய்துள்ளதாக தகவல்கள் வெளியாகியுள்ளன.

இந்நிலையில் மாதம் 10 நாள் வீதமாக இந்தியன் 2 ஷூட்டிங் நடந்துவரும் நிலையில் அடுத்த ஆண்டு மே மாதம் வரை படப்பிடிப்பு நடக்கும் என சொல்லப்படுகிறது. அதனால் அடுத்த ஆண்டு தீபாவளிக்குதான் இந்தியன் 2 ரிலீஸ் ஆகும் என சொல்லப்படுகிறது.