சசிகுமார் படத்தால் ஜீ.வி.பிரகாஷ் படத்துக்கு சிக்கல்

சசிகுமார் நடிப்பில் வெளிவந்த வெற்றிவேல் படத்தை லைக்கா வெளியிட்டது நினைவிருக்கலாம். படம் வெற்றி என்று டமாரமடித்தாலும் திரையிட்ட அனைத்து இடங்களிலும் பல லட்சங்கள் நஷ்டப்படுத்தியிருக்கிறது.

லைக்கா ஜீ.வி.பிரகாஷை வைத்து தயாரித்திருக்கும் எனக்கு இன்னொரு பேர் இருக்கு படத்தை இந்த மாதம் வெளியிட திட்டமிட்டு, அதற்கான வேலைகளில் இறங்கியநேரம், உங்களின் வெற்றிவேல் படத்தால் பல லட்சங்கள் நஷ்டம். அதனை வைத்துவிட்டு எனக்கு இன்னொரு பேர் இருக்கு படத்தை வெளியிடுங்கள் என்று கட்டையை போட்டிருக்கிறது ஒரு குரூப். 

வியாபாரம்னு வந்தா ஒரு படத்தில் லாபம் வரும் ஒரு படத்தில் நஷ்டம் வரும். இரண்டையும் ஏற்றுக் கொள்வதுதான் வியாபாரம். அதைவிட்டு, நஷ்டம் வந்தால் நீ தரணும், லாபம் வந்தால் மொத்தமா நான் எடுத்துப்பேன் என்பது என்ன மாதிரியான வியாபாரம்?

லைக்கா இந்த விவகாரத்தை லைட்டா எடுத்துக் கொள்ளுமா இல்லை பிரச்சனை பெரிதாகுமா என்பது இன்னும் சில தினங்களில் தெரிந்துவிடும்.