நடிகர் சங்கத்துக்காக இலவச படத்தை இயக்கும் கொம்பன் முத்தையா?
செவ்வாய், 12 ஜூலை 2016 (16:02 IST)
நடிகர் சங்க கட்டிடம் கட்ட தேவைப்படும் நிதிக்காக விஷாலும், கார்த்தியும் இணைந்து ஒரு படத்தில் நடிப்பதாக உறுதியாகியிருக்கிறது.
இந்தப் படத்தில் விஷால், கார்த்தி இருவருமே சம்பளம் வாங்காமல் நடிக்கின்றனர். அந்தவகையில் பட்ஜெட்டில் 13 கோடிகள் மிச்சம்.
முக்கியமான கேள்வி, படத்தை யார் இயக்குகிறார்?
யாராவது இயக்கி படம் பணால் ஆனால், உதவப் போய் உபத்திரவமான கதையாகிவிடும். அதனால் அலசி ஆராய்ந்து முத்தையாவை தேர்வு செய்திருப்பதாக கேள்வி. இவரது படத்தில் சாதி நெடி அடித்தாலும், படம் திரைக்கு வந்தால் கரன்சி வாசனை தூக்கும் என்பதால் இந்த முடிவாம்.
