நடிகைகளுக்கு திருமணம் நடந்தால் தெலுங்கிலும், தமிழிலும் பட வாய்ப்பு கிடைப்பது குதிரை கொம்பாகிவிடும். மலையாளத்தில் அப்படியே தலைகீழ். திருமணமானாலும் வாய்ப்புக்கு பஞ்சமிருக்காது. சரியாகச் சொன்னால் திருமணமான பிறகே வாய்ப்புகள் கொட்டும். அதுவும் கதாநாயகியாக.
2012-ல் மோகன்லால் ஜோடியாக ஜோஷி இயக்கத்தில் ரன் பேபி ரன் படத்தில் அமலா பால் நடித்தார். மோகன் லால் கேமராமேனாகவும், அமலா பால் தொலைக்காட்சி நிருபராகவும் நடித்திருந்தனர். இரண்டு வருடங்களுக்குப் பிறகு அதே ஜோஷியின் இயக்கத்தில் லைலா ஓ லைலா படத்தில் இவர்கள் மீண்டும் ஒன்றிணைகிறார்கள். முந்தைய படத்தின் தொடர்ச்சியாக இப்படம் இருக்கும் என்கிறார்கள்.