தனுஷின் தளர்ந்து போன மார்க்கெட்டை மீண்டும் ஸ்டெடியாக்கியிருக்கிறது வேலையில்லா பட்டதாரி. தமிழகத்தைப் போலவே வெளிமாநிலங்களிலும், வெளிநாடுகளிலும் படம் வசூலில் பட்டையை கிளப்புகிறது. தனுஷ் நடிப்பில் இதுவரை வெளியான படங்களில் வேலையில்லா பட்டதாரியே வெளிநாடுகளில் அதிகம் வசூலித்துள்ளது.
யுஎஸ்ஸில் இரண்டாவது வார இறுதியில் 21 திரையிடல்களில் 29,049 டாலர்களை வசூலித்துள்ளது. சென்ற ஞாயிறுவரை இதன் யுஎஸ் வசூல் 216,872 டாலர்கள். நமது ரூபாய் மதிப்பில் ஏறக்குறைய 1.30 கோடி. ரஜினி, கமல், விஜய், அஜீத், சூர்யா, விக்ரம் படங்களுக்குப் பிறகு யுஎஸ்ஸில் ஒரு கோடிக்கு மேல் வசூலித்தது தனுஷ் படம்தான் என்பது குறிப்பிடத்தக்கது.