இயக்குனர் அருண் மாதேஸ்வரன் ராக்கி மற்றும் சாணி காகிதம் ஆகிய படங்களுக்கு அடுத்து தனது மூன்றாவது படமான கேப்டன் மில்லர் படத்தை தனுஷை வைத்து இயக்கி வருகிறார். இந்த படத்தை சத்யஜோதி பிலிம்ஸ் தயாரித்து வருகிறது. இந்த படத்துக்கு ஜி வி பிரகாஷ் இசையமைக்கிறார். இந்த படத்தில் பிரியங்கா மோகன், சிவராஜ் குமார், சந்தீப் கிஷன் உள்ளிட்டவர்கள் முக்கிய வேடத்தில் நடித்துள்ளனர்.
ஏற்கனவே இந்த படத்தின் டீசர் ரிலீஸாகி கவனம் பெற்ற நிலையில் இப்போது படத்தின் டிரைலர் தயாராகி வருவதாக படத்தின் கதாநாயகன் தனுஷ் அறிவித்துள்ளார். விரைவில் இந்த படத்தின் இசை வெளியீட்டு விழாவும் சென்னை நேரு உள்விளையாட்டு அரங்கில் நடக்க உள்ளதாக தகவல்கள் வெளியாகி இருந்தன. இந்நிலையில் இப்போது ஜனவரி 3 ஆம் தேதி இந்த நிகழ்ச்சி நடக்க உள்ளதாக சொல்லப்படுகிறது.
