தனியார் தொலைக்காட்சி காமெடி நிகழ்ச்சி மூலம் பிரபலமான நடிகர் ரோபோ சங்கர் ஏராளமான படங்களில் நடித்து ரசிகர்களிடையே நல்ல வரவேற்பை பெற்றவர். இவர் தற்போது தனது பெயரில் சிலர் சமூக வலைத்தளங்களில் அவதூறு தகவல்கள் பரப்புகிறார்கள் என சென்னை காவல்துறை ஆணையர் அலுவலகத்தில் புகார் மனு ஒன்றை அளித்துள்ளார். இதுகுறித்து அவர் செய்தியாளர்களுக்கு அளித்த பேட்டியில் கூறியதாவது:-
பத்திரிகையாளர்களை பற்றி நான் அவதூறு தகவல்கள் எதுவும் வெளியிடவில்லை. எனது வளர்ச்சிக்கு பத்திரிகைகள்தான் முக்கிய காரணம். மேலும், இது தொடர்பாக நடவடிக்கை எடுக்கும்படி மனு கொடுத்துள்ளேன். உரிய நடவடிக்கை எடுப்பதாக சைபர் கிரைம் காவல்துறையினர் தெரிவித்துள்ளனர் என்றார்.
