விஜய் சேதுபதி முதன்முதலாக நடிக்க இருக்கும் தெலுங்குப் படம் ‘சயிரா நரசிம்ம ரெட்டி’. சிரஞ்சீவி ஹீரோவாக நடிக்கும் இந்தப் படத்தில் அமிதாப் பச்சன், சுதீப், நயன்தாரா மற்றும் ரவி கிஷண் ஆகியோர் நடிக்கின்றனர். இந்தப் படத்தின் தொடக்க விழா, கடந்த ஆகஸ்ட் மாதம் ஹைதராபாத்தில் விமர்சையாக நடந்தது.
வருகிற டிசம்பர் மாதம் இந்தப் படத்தின் படப்பிடிப்பு தொடங்க இருக்கிறது. இந்தப் படத்துக்கு ஒளிப்பதிவாளராக முதலில் ரவிவர்மன் கமிட்டாகியிருந்தார். திடீரென்று அவர் விலகிக்கொள்ள, ‘எந்திரன்’ படத்துக்கு ஒளிப்பதிவு செய்த ரத்னவேலு இப்போது ஒப்பந்தமாகியிருக்கிறார். இதேபோல், இந்தப் படத்துக்கு இசையமைப்பதாக இருந்த ஏ.ஆர்.ரஹ்மானும் பர்சனல் காரணங்களுக்காக விலகிவிட்டார் என்பது குறிப்பிடத்தக்கது.
