ஐ படத்தின் தொலைக்காட்சி உரிமையை வாங்கிய ஜெயா

ஷங்கரின் பிரமாண்ட படைப்பான ஐ யின் தொலைக்காட்சி ஒளிபரப்பு உரிமையை ஜெயா தொலைக்காட்சி வாங்கியுள்ளது.

இந்த வருடம் வெளியாக உள்ள திரைப்படங்களில் மிகுந்த எதிர்பார்ப்பு நிலவுவது ஆஸ்கர் ஃபிலிம்ஸின் ஐ திரைப்படத்துக்குதான். விக்ரம் இந்தப் படத்துக்காக கடுமையாக உழைத்துள்ளார். செப்டம்பர் 15 நடக்கும் படத்தின் ஆடியோ வெளியீட்டு விழாவில் பிரபல ஹாலிவுட் நடிகர் அர்னால்ட் ஸ்வாஸ்நேகர் கலந்து கொள்கிறார்.

ஐ யின் தொலைக்காட்சி ஒளிபரப்பு உரிமையை ஜெயா தொலைக்காட்சி வாங்கியுள்ளது. அஞ்சான் போன்ற பெரிய படங்களின் ஒளிபரப்பு உரிமையை போட்டிப் போட்டு வாங்கிய சன் தொலைக்காட்சி ஐ விஷயத்தில் ஏமாற்றமடைந்துள்ளது. ஆஸ்கர் ஃபிலிம்ஸின் முந்தையப் படங்களான வல்லினம், திருமணம் என்னும் நிக்காஹ் படங்களின் ஒளிபரப்பு உரிமையையும் ஜெயாவே வாங்கியது குறிப்பிடத்தக்கது.