தற்போது பிரபுதேவா வைத்து பஹிரா என்ற புது படத்தை இயக்கி வருகிறார். கடந்த காதலர் தினத்தின் ஸ்பெஷலாக இப்படத்தின் பர்ஸ்ட் லுக் போஸ்டரை நடிகர் தனுஷ் வெளியிட்டிருந்தார். பரதன் ஃபிலிம்ஸ் தயாரிப்பில் உருவாகும் இப்படம் காதலன் படத்தின் இரண்டாம் பாகமாக இருக்கும் என யூகிக்கப்பட்டது. காரணம் இப்படத்தில் மொட்டையடித்து நெற்றிக்கண் வைத்து வித்யாசமான தோற்றம் கோர்த்துள்ளார் பிரபுதேவா.
இந்நிலையில் தற்போது இப்படத்தின் சுவாரஸ்யமான தகவல் ஒன்று கிடைத்துள்ளது. ஆம், இந்த படத்தில் கதாநாயகியாக நடிகை காயத்ரி நடிக்கவிருப்பதாக தகவல்கள் வெளியாகியுள்ளது. கடைசியாக அவரது நடிப்பில் வெளிவந்த சூப்பர் டீலக்ஸ் படம் நல்ல வரவேற்பை பெற்றது குறிப்பிடத்தக்கது.
