இந்நிலையில் அவருக்கு சில மாதங்களுக்கு முன்னதாக பக்கவாதம் ஏற்பட மருத்துவமனையில் அனுமதிக்கப்பட்டார். இந்நிலையில் அவரது நண்பரும் நடிகருமான, குட்டி கோபி சமூக வலைதளத்தில் அவரது சிகிச்சைக்கு 7 லட்ச ரூபாய் தேவை என சொல்லி உதவிக் கேட்டு இருந்தார். இந்நிலையில் பலரும் அவரது சிகிச்சைக்கு உதவி செய்யவே, அதன் மூலம் முதல் கட்ட அறுவை சிகிச்சை நடந்தது. நடிகர் விஜய் சேதுபதி லோகேஷை நேரில் சென்று சந்தித்து உதவி செய்தார்.
இந்நிலையில் லோகேஷ்க்கு இப்போது இரண்டாம் கட்ட அறுவை சிகிச்சை நடக்க உள்ளது. இதற்காக 6 லட்ச ரூபாய் செலவாகும் என மருத்துவர்கள் கூறியுள்ளதால் மீண்டும் நண்பர்கள் உதவி செய்ய வேண்டும் என குட்டி கோபி சமூகவலைதள பக்கத்தில் உதவி கோரியுள்ளார். சிகிச்சை முடிந்ததும் அதற்கான ரசீதைக் கூட காண்பிக்கிறோம் என கோபி தெரிவித்துள்ளார். அதையடுத்து சில வாரங்களுக்கு முன்னர் அவருக்கு இரண்டாவது அறுவை சிகிச்சையும் வெற்றிகரமாக நடத்தி முடிக்கப்பட்டது.
