தமிழ் சினிமா கதாநாயகிகள் பெரும்பாலும் லூசுப் பெண்ணாகவே சித்தரிக்கப்படுவார்கள். ஹீரோவின் ஆண்மையை நிரூபிக்க வில்லனை மொக்கை செய்து போல், ஹீரோயினை லூசுப் பெண்ணாக்குவது காலங்காலமாக நடப்பதுதான். துப்பாக்கி காஜல் அகர்வால் மாதிரி என்று வைத்துக் கொள்ளுங்கள்.
FILE
ஒரு ஊர்ல ரெண்டு ராஜா படத்தில் ப்ரியா ஆனந்தின் கதாபாத்திரத்தை லூசுப் பெண்ணாக அமைத்திருக்கிறாராம் கண்ணன். கதைப்படி ப்ரியா ஆனந்த் மெடிக்கல் ஸ்டுடிண்ட். தூத்துக்குடியிலிருந்து சென்னை வரும் ரயிலில் அவரும் விமல், சூரியும் சந்தித்துக் கொள்கிறார்கள். அப்போது நடக்கும் சம்பவம் காரணமாக மூவரும் ஓட வேண்டி வருகிறது.
முதல்கட்ட படப்பிடிப்பை மயிலாடுதுறை ரயில்வே ஸ்டேஷனில் நடத்துகின்றனர். காதல், காமெடி, சென்டிமெண்ட், ஆக்ஷன் என எல்லாம் சேர்ந்த கலவையாக படம் தயாராகிறது. டி.இமான் இசையமைக்க, பி.ஜி.முத்தையா ஒளிப்பதிவு செய்கிறார்.
இரண்டு தினங்களில் நடக்கும் கதையிது. தொழிலதிபராக வரும் நாசர்தான் வில்லன். இவர்கள் தவிர சிங்கம்புலி, சாஷா, ஜோஸ்னா, தம்பி ராமையா உள்ளிட்டோரும் நடிக்கின்றனர்.
குளோபல் இன்போடெய்ன்மெண்ட் மைக்கேல் ராயப்பன் படத்தை தயாரிக்கிறார்.
