பீட்சா படத்தின் வெற்றி மற்றும் அதன் புதிதான திரைக்கதை காரணமாக கார்த்திக் சுப்பாராஜின் ஜிகிர்தண்டா மீது ஒருவித எதிர்பார்ப்பு நிலவுகிறது. அதனை பூர்த்தி செய்வது போல் படத்தின் ட்ரெய்லர் அனைவரையும் கவர்ந்தது. மே 23 வெளியாகும் இப்படத்தைப் பார்க்க திரையுலகுக்குள்ளும் ஒருவித ஆவல். சித்தார்த், லட்சுமிமேனன், சிம்ஹா, கருணாகரன் உள்பட பலர் நடித்துள்ள இந்தப் படத்துக்கு சந்தோஷ் நாராயணன் இசையமைத்துள்ளார். பைவ் ஸ்டார் ஃபிலிம்ஸ் கதிரேசன் தயாரிப்பு.