கமர்ஷியல் படம் எடுத்தாலும் சமூகப் பொறுப்பிலிருந்து என்னுடைய படங்கள் விலகாது என்று நீர்ப்பறவை வெளியான பிறகு பேட்டியொன்றில் கூறினார் சீனு ராமசாமி. நல்ல படம் என்று நீர்ப்பறவை பாராட்டு பெற்றாலும் பாக்ஸ் ஆபிஸில் படம் சோபிக்கவில்லை. அடுத்தப் படத்தை எப்படியும் வெற்றிப்படமாக்கிவிட வேண்டும் என்ற முயற்சியில் இருந்த நேரம்தான் இந்த ஸ்டேட்மெண்டை விடுத்தார்.
கொடைக்கானலில் இடம் பொருள் ஏவலின் படப்பிடிப்பு தொடங்கியது. விஜய் சேதுபதி, விஷ்ணு என்று இரண்டு ஹீரோக்கள். விஜய் சேதுபதிக்கு நந்திதா, விஷ்ணுவுக்கு ஐஸ்வர்யா என்று இரண்டு நாயகிகள். இரண்டு ஹீரோக்களில் ஒருவரின் பூர்வீகம் கொடைக்கானல், இன்னொருவரின் பூர்வீகம் மதுரை திருநகர். இந்த இரண்டு கதைக்களத்தில் படம் பயணிக்கிறது.