அவரது சொந்த தேசத்துக்கு சென்று அவர் வாழ்ந்த வீட்டை, அவர் பயன்படுத்திய பொருள்களை பார்க்க ஒவ்வொரு இசைக்கலைஞருக்கும் ஆசை உண்டு. முஸ்லீம்களுக்கு மெக்கா போல, கிறிஸ்தவர்களுக்கு ஜெருசலேம் போல, இந்துக்களுக்கு வாரணாசி போல இசைக்கலைஞர்களுக்கு ஆஸ்திரியாவின் சால்ஸ்பர்க். அதுதான் மொசார்ட் பிறந்த இடம்.
எல்லோரையும் போல மொசார்டின் வீட்டை பார்க்க வேண்டும் என்பது ஹாரிஸின் கனவு. அவரின் சின்ன வயசிலேயே மொசார்ட் குறித்து ஹாரிஸின் தந்தை பல கதைகள் கூறியிருக்கிறார். அப்போதே இசைக்கடவுளின் இல்லத்துக்கு செல்ல வேண்டும் என்று ஆசை, விருப்பம்.