இங்கிலாந்தில் நடைபெறும் ஐ.சி.சி. 20-20 உலகக் கோப்பை கிரிக்கெட் தொடரில் சூப்பர்- 8 சுற்றில் மேற்கிந்திய தீவுகள் மற்றும் இங்கிலாந்து அணிகளிடம் அதிர்ச்சித் தோல்வி கண்டு இந்திய அணி வேளியேறியது குறித்து இந்திய கிரிக்கெட் கட்டுப்பாட்டு வாரியம் கருத்து கூறுகையில் தோனி மீது முழு நம்பிக்கை இருப்பதாக தெரிவித்துள்ளது.
இது குறித்து செய்தியாளர்களின் கேள்விகளுக்கு பதிலளித்த பி.சி.சி.ஐ. யின் ஊடக மற்றும் நிதிப் பிரிவு தலைவர் ராஜீவ் ஷுக்லா இது ஒரு பெருத்த ஏமாற்றம் என்றாலும் அனைத்தும் முடிந்து விட்டதாக கருத வேண்டிய அவசியமில்லை.
அடுத்ததாக வரும் மேற்கிந்திய தொடரை வெல்வதில் முழு கவனம் செலுத்துவோம் என்றார்.
மேலும் சேவாக் இல்லாதது பெரிய அளவில் அணியின் பலத்தை குறைத்துள்ளது என்று கூறிய ராஜிவ் ஷுக்லா, அது ஒரு மிகப்பரிய இழப்பு என்றார்.
தோனி ஒரு சிறந்த கேப்டன் என்றும் மீண்டும் வெற்றிப் பாதைக்கு திரும்பும் அனைத்துத் திறமைகளும் அவரிடத்தில் உண்டு என்றும் ராஜிவ் ஷுக்லா தெரிவித்துள்ளார்.
