ஹாட்ரிக் வெற்றியுடன் எந்தவொரு வாரிசு நடிகருக்கும் கரியர் ஆரம்பித்ததில்லை. கமல் சொன்னது போல இது பிரபுவின் மகன் என்பதால் கிடைத்த வெற்றியல்ல, விக்ரம் பிரபுவின் திறமைக்கு கிடைத்த வெற்றி. அவரது நடிப்பில் விரைவில் வெளிவரவிருக்கும் சிகரம் தொடு படத்துக்கும் முதல் படத்தின் பாஸிடிவ் எனர்ஜியோடு பேசுகிறார் விக்ரம் பிரபு. பத்திரிகையாளர்கள் சந்திப்பில் விக்ரம் பிரபு படம் குறித்து பகிர்ந்து கொண்டவை உங்களுக்காக.
கதை கேட்டப்பவே பிடிச்சிருந்திச்சி. ஃபேமிலி, ஆக்ஷன், காமெடி எல்லாத்தையும் சேர்த்து சொன்னார். ஸ்கிரிப்டை நாம படிச்சு தெரிஞ்சுக்கலாம். அதைவிட இயக்குனர் அந்தக் கதையை சொல்லி கேட்கும் போதுதான் அந்த கதையில் எவ்வளவு தூரம் அவருக்கு ஈடுபாடு இருக்கு, எவ்வளவு தூரம் அதை யோசிச்சு வச்சிருக்காங்க அப்படிங்கிறது ஈஸியா புரிஞ்சிடும். ஒரு சிலருக்குதான் ஒரு சீனை டிஸ்க்ரைப் பண்ணத் தெரியும். இவர் அதனை ரொம்ப நல்லா செய்வார். கேட்கும் போதே உங்க மனசுல படம் பார்த்துகிட்டு இருக்கிற மாதிரி இருக்கும். ஸோ, கதை கேட்டதும் நல்லாயிருக்குன்னு சொல்லிட்டேன்.