தமிழக மீனவர்கள் இலங்கை கடற்படையினரால் கைது செய்யப்படுவது பல ஆண்டுகளாக நடைபெற்று வரும் தொடர் கதையாக இருக்கிறது என்றும் இதற்கு மத்திய மாநில அரசுகள் உரிய நடவடிக்கை எடுக்க வேண்டும் என்று பல ஆண்டுகளாக மீனவர் சங்கத்தின் பிரதிநிதிகள் கோரிக்கை விடுத்தும் கைது நடவடிக்கை தொடர்ந்து கொண்டே உள்ளது என்பதும் குறிப்பிடத்தக்கது.
இந்த நிலையில் தமிழகத்தைச் சேர்ந்த 13 மீனவர்கள் நேற்று நடந்த நெடுந்தீவு அருகே மீன் பிடித்து கொண்டு இருந்தார்கள். அப்போது எல்லை தாண்டி மீன் பிடித்ததாக இலங்கை கடற்படையினர் அவர்களை கைது செய்துள்ளனர். அது மட்டும் இன்றி மூன்று விசை படகுகளையும் பறிமுதல் செய்துள்ளதாகவும் விசாரணைக்காக காங்கேசன் கடற்கரை முகாமுக்கு அழைத்துச் சென்று உள்ளதாகவும் கூறப்படுகிறது.
