வாழும் கலை அமைப்பின் நிறுவனர் ஸ்ரீஸ்ரீ ரவிசங்கரிடம் திமுக பொருளாளர் மு.க.ஸ்டாலின் தனது குடும்பத்தினருடன் நின்று ஆசி பெற்ற புகைப்படத்தை தனது ஃபேஸ்புக் பக்கத்தில் வெளியிடாமல் மறைத்துவிட்டார்.
திமுக பொருளாளர் மு.க.ஸ்டாலினை வாழும் கலை அமைப்பின் நிறுவனர் ஸ்ரீஸ்ரீ ரவிசங்கர் திடீரென சந்தித்து பேசினார்.
தமிழக சட்டசபை தேர்தல் நடைபெறும் நிலையில் தமிழகத்தில் உள்ள முக்கிய அரசியல் தலைவர்கள் சந்திப்பு முக்கியத்துவம் பெறுகிறது.
இந்த நிலையில், சென்னை வருகை தந்துள்ள வாழும் கலை அமைப்பின் நிறுவனர் ஸ்ரீஸ்ரீ ரவிசங்கரை மதிமுக பொதுச் செயலாளர் வைகோ சந்திப்பு நடைபெற்றது.
இதனையடுத்து, திமுக பொருளாளர் வீட்டுக்கு ஸ்ரீஸ்ரீ ரவிசங்கர் சென்று சந்தித்தார். ஸ்ரீஸ்ரீ ரவிசங்கரை வீட்டு வாசலில் நின்று மு.க.ஸ்டாலின் வரவேற்றார். இந்த சந்திப்பு குறித்து, தனது ஃபேஸ்புக் பக்கத்தில் மு.க.ஸ்டாலின் வெளியிட்டுள்ளார்.
ஆனால், மு.க.ஸ்டாலின் தனது குடும்பத்தினருடன் நின்று ஆசி பெற்ற புகைப்படத்தை தனது ஃபேஸ்புக் பக்கத்தில் வெளியிடாமல் மறைத்துவிட்டார். அது ஏன் என்பது மட்டும் புரியாத புதிராக உள்ளது.
