கரூர் மாவட்டம், வேலாயுதம்பாளையம் அருகே புகளூரில் தமிழ்நாடு அரசுக்கு சொந்தமான காகித தொழிற்சாலை மற்றும் தொழிலாளர்கள் குடியிருப்பு உள்ளது. இந்த பகுதியில் பாம்புத் தொல்லை அதிக அளவில் உள்ளது என அங்கு வசிக்கும் மக்கள் புகார் செய்தனர்.
இதையடுத்து தொழிற்சாலை நிர்வாகம் சார்பில், காஞ்சிபுரத்தை சேர்ந்த இருளர்கள் பாம்பு பிடிக்கும் கூட்டுறவு சங்க துணை தலைவர் ஜெயக்குமார் தலைமையில் 11 பேர் கொண்ட ஒரு குழுவினர் காகித ஆலை மற்றும் குடியிருப்பு பகுதியில் பாம்பு வேட்டை நடத்தினர்.
இதில் நல்லபாம்பு, கட்டுவிரியன், கண்ணாடி விரியன் என விஷப்பாம்புகள் உள்ளிட்ட 156 பாம்புகளையும் பிடித்தனர்.
