சென்னை சூப்பர் கிங்ஸ் அணியில் தற்போது ஒரு தமிழர் கூட இல்லை என்ற கவலை வேண்டாம், நாம் தமிழர் கட்சி ஆட்சிக்கு வந்தவுடன் அந்த அணியில் உள்ள 11 பேரும் தமிழர்களாகத்தான் இருப்பார்கள் என நாம் தமிழர் கட்சியின் ஒருங்கிணைப்பாளர் சீமான் தெரிவித்துள்ளார்.
தூத்துக்குடி மாவட்டத்தில் நடந்த நிகழ்ச்சி ஒன்றில் அவர் கலந்து கொண்ட பின்னர் செய்தியாளர்களிடம் பேசினார். அப்போது தமிழ்நாட்டு அணியாக கருதப்படும் சென்னை சூப்பர் கிங்ஸ் அணியில் ஒரு தமிழர் கூட இல்லையா என்ற கேள்வி கேட்கப்பட்ட போது அதற்கு பதில் அளித்தவர் ’நாம் தமிழர் கட்சி ஆட்சிக்கு வந்தவுடன் 11 பேரும் தமிழர்கள் தான் இருப்பார்கள் என்றும் நாமும் சேர்ந்து விளையாடுவோம் என்றும் தற்போது சென்னை சூப்பர் கிங்ஸ் அணிகள் தமிழர்கள் இல்லை என வருத்தப்பட வேண்டிய நிலை இருக்காது என்றும் அவர் தெரிவித்தார்.
