இந்திய நாட்டின் 70 ஆவது குடியரசு தினவிழா இன்று நாடு முழுவதும் கொண்டாடப்பட்டு வருகிறது. தமிழ்நாட்டு அரசு சார்பில் சென்னை மெரினா கடற்கரை காமராஜர் சாலையில் குடியரசு தின விழா நடைபெற்றது. இந்த விழாவில் தமிழக முதல்வர் எடப்பாடி பழனிச்சாமி மற்றும் தலைமை செயலாளர் கிரிஜா வைத்யநாதன் ஆகியோர் கலந்து கொண்டு ஆளுநர் பண்வாரிலால் புரோஹித்தை முப்படை வீரர்கள் அணிவகுப்புடன் வரவேற்றனர்.
கொடியேற்றத்திற்குப் பின்பு முப்படை வீரர்கள், தமிழக காவல் துறையினர் உள்ளிட்டோரின் அணிவகுப்பு நடைபெற்றது.அதன் பின்பு வண்ணமயமான கலை நிகழ்ச்சிகள் நடைபெற்றன. குடியரசு தினவிழாவை முன்னிட்டு மெரினா கடற்கரை மற்றும் அதை சுற்றியுள்ள சாலைகள் அனைத்துக்கும் பலத்த பாதுகாப்புப் போடப்பட்டிருந்தது.
