அப்போது செய்தியாளர்களிடம் பேசியதாவது:-
ரஜினிகாந்த் ஏற்கனவே பா.ஜ.க.விற்கு நல்ல நண்பராக உள்ளார். பிரதமர் நரேந்திர மோடி தேர்தல் பிரச்சாரத்திற்கு வந்த போது அவர் நடிகர் ரஜினியை சந்தித்து பேசியுள்ளது இதற்கு சான்றாகும்.
ஊடகங்களில் ரஜினிகாந்தை பா.ஜ.க.வில் சேருமாறு கேட்டுக் கொள்ளப்பட்டதாகவும், அவரை அடுத்து நடைபெற உள்ள தமிழக சட்டமன்ற தேர்தலுக்கான முதல்வர் வேட்பாளராக அறிவிக்க திட்டமிட்டுள்ளதாகவும் வந்த செய்திகள் பற்றி கேள்வியெழுப்பியபோது, இது ஊடகத் தரப்பு செய்தியே தவிர, அதிகாரப்பூர்வமான செய்தியல்ல என்று தமிழிசை கூறினார்.
மேலும், வாஜ்பாய் பிரதமராக பதவி வகித்தபோது நதி நீர் இணைப்பிற்காக ஒரு கோடி ரூபாய் வழங்குவதாக ரஜினி உறுதியளித்ததையும் சுட்டிக் காட்டிய தமிழிசை, ரஜினியை பா.ஜ.க.வில் இணையுமாறு உள்ளன்போடு அழைப்போம் என்று தெரிவித்தார்.