தமிழக தேர்தலை ஒட்டி ராகுல் காந்தி சமீபகாலமாக தமிழகத்துக்கு அதிகமாக வருகை புரிந்து கொண்டிருக்கிறார். இந்நிலையில் கடந்த முறை அவர் வந்தபோது கன்னியாகுமரி மாவட்டத்தில் உள்ள முளகுமூடு பகுதியில் உள்ள பள்ளிக்கு சென்றபோது,சிறுவன் ஒருவனோடு உரையாடினார்.
ஆண்டனி பெலிக்ஸ் (11) எனும் அந்த ஐந்தாம் வகுப்பு படிக்கும் சிறுவன் தடகளப் போட்டிகளில் ஆர்வமாக இருப்பதாகவும் ஆனால் அதற்கேற்ற ஷூக்கள் தன்னிடம் இல்லை என்றும் கூறியிருந்தார். அப்போது ’உன் ஆசையைக் கைவிட்டு விடாதே. நான் உனக்கு ஷூ வாங்கி அனுப்புகிறேன்’ என ராகுல் உறுதியளித்திருந்தார். அதன் படி இப்போது 6000 ரூபாய் மதிப்புள்ள ஷூவை வாங்கி ஆண்டனிக்கு அனுப்பியுள்ளார்.
