தமிழகத்தில் ஏற்கனவே ஒரு சில அமைச்சர்கள், எம்எல்ஏக்கள் ஆகியோர்களுக்கு கொரோனா தொற்று பரவி உள்ளது என்பது தெரிந்ததே. மேலும் நேற்று ஒரே நாளில் திருவாடனை தொகுதி எம்எல்ஏ கருணாஸ் மற்றும் பூம்புகார் தொகுதி எம்எல்ஏ பவுன்ராஜ் ஆகிய இருவருக்கும் கொரோனா தொற்று பரவியது என்பதை பார்த்தோம்
இந்த நிலையில் சற்று முன் வெளியான தகவலின் படி புதுவை மாநில சமூக நலத்துறை அமைச்சர் கந்தசாமி என்பவருக்கு கொரோனா தொற்று உறுதி செய்யப்பட்டுள்ளது. அமைச்சருக்கு மட்டுமின்றி அவருடைய இளைய மகன் விக்னேஷ் என்பவருக்கும் கொரோனா உறுதி செய்யப்பட்டுள்ளது. இதனையடுத்து இருவரும் தற்போது மருத்துவமனையில் அனுமதிக்கப்பட்டு சிகிச்சை பெற்று வருகின்றனர்
