தமிழகத்தின் முக்கிய சுற்றுலா தளங்களில் ஒன்றாக இருப்பது கன்னியாக்குமரி. இங்குள்ள திருவள்ளுவர் சிலை, விவேகானந்தர் மண்டபம் போன்றவற்றை காண மக்கள் கூட்டம் கூட்டமாக வருகை புரிந்தபடி உள்ளனர். உள்நாட்டு பயணிகள் மட்டுமின்றி வெளிநாட்டு பயணிகளும் அதிகம் வருகை புரிகிறார்கள்.
இந்நிலையில் கன்னியாக்குமரியில் உள்ள தனியார் மெழுகு அருங்காட்சியகம் ஒன்று பார்வையாளர்களை ஈர்ப்பதற்காக பல்வேறு பிரபலங்களின் சிலைகளை அங்கு வடிவமைத்து வைத்திருக்கிறார்கள். அப்துல்கலாம், அன்னை தெரசா மற்றும் மைக்கெல் ஜாக்சன் போன்றவர்களின் சிலைகளை காட்சிக்கு வைத்திருக்கும் அந்த அருங்காட்சியகம் தற்போது புதிதாக நடிகர் விஜய்க்கு சிலை ஒன்றை நிறுவியிருக்கிறார்கள்.
