திருத்தணியில் பாமக வேட்பாளரை ஆதரித்து அன்புமணி ராமதாஸ் தேர்தல் பிரசாரம் மேற்கொண்டார். அப்போது பேசிய அன்புமணி, ”கடந்த 50 ஆண்டுகளாக திமுக மற்றும் அதிமுக ஆகிய கட்சிகள் தமிழ்நாட்டை சீரழித்து விட்டன. அதற்கு மாற்றாகத்தான் பாட்டாளி மக்கள் கட்சி மக்கள்நலன் காக்க வருகிறது.
பாமக ஆட்சியில் பொதுமக்களுக்கு இலவசங்களை கொடுத்து ஏமாற்ற மாட்டோம். பொதுமக்களை தன்மானத்துடன் வாழ வைப்போம். இலவச கல்வி, சுகாதாரம், வேளாண் புரட்சி, வேலைவாய்ப்பு ஆகியவற்றை கொண்டு வருவோம். பாமக தேர்தல் அறிக்கையில் அறிவித்த திட்டங்களில் 60 சதவீத திட்டங்களை திமுக காப்பி அடித்துள்ளது” என்று கூறியுள்ளார்.
