தமிழ்நாட்டில் விரைவில் நடைபெற இருக்கும் 2016 ஆம் ஆண்டுக்கான 'தமிழ்நாடு பிரீமியர் லீக்' போட்டியின் விளம்பர தூதராக நியமிக்கப்பட்டிருக்கும் மத்தேயு ஹைடனுக்கும், நம் தமிழக மக்களுக்கும் எப்போதுமே ஒரு இனம் புரியாத அன்பு இருந்து வருகிறது.
திருநெல்வேலியின் பிரசித்தி பெற்ற இருட்டு கடை அல்வா, தமிழ்நாட்டின் பாரம்பரிய அடையாளமாக திகழும் மதுரை மீனாட்சி அம்மன் கோவில் என பல இடங்களில் வலம் வந்து கொண்டிருக்கும் அவரை கபாலி மேனியாவும் விட்டு வைக்கவில்லை. ரஜினிகாந்த் நடித்த 'கபாலி' படத்தை சென்னையில் உள்ள 'ஆல்பர்ட்' திரையரங்கில் சமீபத்தில் பார்த்து ரசித்திருக்கிறார்.
'கபாலி' படத்தில் ரஜினிகாந்தின் நடிப்பை பார்த்து வியந்து போன மத்தேயு ஹேடன், திரையரங்கை விட்டு வெளியே வந்தவுடன் ரசிகர்களை நோக்கி "மகிழ்ச்சி..." என்று கூறினார். இதைகேட்டு ரசிகர்கள் உற்சாக வெள்ளத்தில் ஆர்ப்பரித்தனர்.
