ரஜினிகாந்த் நடித்து வெளியாகவிருக்கும் ‘தர்பார்’ படத்தின் ஆடியோ வெளியீட்டு விழா சமீபத்தில் சென்னையில் நடைபெற்றது. இதில் கலந்து கொண்டு பேசிய நடிகர் ராகவா லாரன்ஸ் ”சீமான் மட்டும்தான் தமிழ் தாயின் பிள்ளையா? நாங்கள் அமெரிக்காவில் பிறந்தவர்களா?” என்று கேள்வி எழுப்பினார். லாரன்ஸின் இந்த பேச்சு சீமான் கட்சிக்காரர்களை கோபமடைய செய்துள்ளது.
இதனால் நாம் தமிழர் கட்சியினர் சமூக வலைதளங்களில் ராகவா லாரன்ஸை திட்டி பதிவிட்டு வந்தனர். இதனால் மன உளைச்சலுக்கு உள்ளான ராகவா லாரன்ஸ் தனது முகநூலில் பதிவொன்றை இட்டுள்ளார். அதில் ”நான் மிகுந்த மன உளைச்சலில் இருக்கிறேன். இதுவரை என்னைதான் திட்டி வந்தார்கள். இப்போது என் தாய், தந்தையரையும் திட்டுகிறார்கள்.
தமிழை பயன்படுத்தி அரசியல் செய்பவர்கள் என்ன வேண்டுமானாலும் திட்டி கொள்ளட்டும். நான் ஒரு தனி மனிதன். எனது சுய உழைப்பாலேயே சில அங்கீகாரத்தை பெற்றுள்ளேன். ‘அன்புதான் தமிழ்’ என்ற அரசியல் நோக்கமற்ற அமைப்பு ஒன்றை உருவாக்க உள்ளேன். தமிழ் பெருமையையும், தமிழர் மாண்பையும் உண்மையாக உலகம் முழுவதும் எடுத்து செல்ல உருவாகவுள்ள அமைப்பு இது.
