நேற்று செய்தியாளர்கள் சந்திப்பில் பேசிய பாஜக மாநில துணை தலைவர் விபி துரைசாமி “தமிழகத்தில் திமுக Vs அதிமுக என்ற நிலை தற்போது மாறி திமுக Vs பாஜக என மாறியுள்ளது” என கூறியது அதிமுக கூட்டணியில் சலசலப்பை ஏற்படுத்தியுள்ளது. மேலும் எதிர்வரும் தேர்தலில் பாஜக தலைமையின் கீழ் கூட்டணி அமைக்கும் கட்சிகள் வெற்றி பெறும் எனவும் அவர் பேசியிருந்தார்.
இந்நிலையில் அதிமுகவில் தேர்தல் குறித்த ஆலோசனை கூட்டம் தற்போது நடந்து முடிந்துள்ளது. இந்நிலையில் செய்தியாளர்களிடம் பேசிய அமைச்சர் கே.பி.முனுசாமி “சட்டப்பேரவை தேர்தலை எதிர்கொள்வது குறித்து ஆலோசனை நடைபெற்றது. அதிமுக முதல்வர் வேட்பாளர் யார் என்பது குறித்து உரிய நேரத்தில் முடிவெடுக்கப்படும்” என கூறியுள்ளார்.
