சென்னை, ராயப்பேட்டையில் உள்ள அதிமுக தலைமை அலுவலகத்தில், இன்று வெள்ளிக்கிழமை காலை 7 மணிக்கு, அதிமுக சட்டப்பேரவை உறுப்பினர்கள் கூட்டம், அக் கட்சியின் அவைத் தலைவர் மதுசூதனன் தலைமையில் நடைபெற்றது.
இதில், முதலமைச்சர் ஓ. பன்னீர்செல்வம், அமைச்சர்கள், அதிமுக எம்எல்ஏக்கள், தேமுதிக எம்எல்ஏக்கள் 5 பேர் உள்ளிட்டவர்கள் கலந்து கொண்டனர். இந்தக் கூட்டத்தில் அதிமுக சட்டப்பேரவைக்குழு தலைவராக ஜெயலலிதா ஒருமனதாகத் தேர்வு செய்யப்பட்டார்.
இதனையடுத்து, ஆளுநர் மாளிகைக்கு சென்ற முதலமைச்சர் ஓ.பன்னீர்செல்வம், தனது முதலமைச்சர் பதவி விலகலுக்கான கடிதத்தை கொடுத்தார்.