கடந்த ஆண்டு ஜூலை மாதத்தில் மாநிலங்களவை நியமன எம்.பிக்கள் அறிவிக்கப்பட்டனர். அதில் தடகள வீராங்கனை பிடி உஷா, இயக்குனர் ராஜமௌலியின் தந்தை விஜயேந்திர பிரசாத், இசையமைப்பாளர் இளையராஜா உள்ளிட்டோர் தேர்ந்தெடுக்கப்பட்டிருந்தனர்.
டிசம்பர் 7 முதல் 23 வரை 13 நாட்கள் நடந்த கூட்டத்தொடரில் மாநிலங்களை நியமன எம்.பியான பி.டி.உஷா 13 நாட்களும் கூட்டத்தொடரில் கலந்து கொண்டுள்ளார். விஜயேந்திர பிரசாத் 2 நாட்களும், வீரேந்திர ஹெக்டே 5 நாட்களும் கலந்து கொண்டுள்ளனர். ஆனால் இசையமைப்பாளர் இளையராஜா ஒருமுறை கூட கூட்டத்தொடரில் கலந்து கொள்ளவில்லை என தெரிய வந்துள்ளது.
