கடந்த 2016 ஆம் ஆண்டு சட்டசபை தேர்தலுக்கு பின், ஜெயலலிதா மற்றும் சசிகலா இருவரும் கோட நாடு சென்றனர். அதன்பின்னர், 2017- ஆம் ஆண்டு எஸ்டேட் பங்களாவில் கொலை மற்றும் கொள்ளை நடந்த பிறகு சசிகலா இங்கு வரவில்லை.
அப்போது அவர் கூறியதாவது:
‘’கோடநாடு தோட்டத்தில் பணியாற்றும் தொழிலாளர்களை பார்க்க வந்துள்ளேன். ஆனால் இப்படி ஒரு சூழலில் வருவேன் என நினைக்கவில்லை. கோட நாடு கொலை, கொள்ளை சம்பவத்தில் ஈடுபட்டவர்களுக்கு ஜெயலலிதா தெய்வமாக இருந்து, தண்டனை பெற்றுத் தருவார் என நம்புகிறேன். கோடநாடு பங்களாவில் ஜெயலலிதாவிற்கு பூஜை செய்ய வேண்டி வந்திருக்கிறேன். விரைவில் அவரது சிலை திறக்கப்படும்’’ என்று தெரிவித்துள்ளார்.
மேலும், ‘’அதிமுக ஒன்றுபட தொடர்ந்து முயற்சி செய்து வருகிறேன். அந்த முயற்சி விரைவில் வெற்றி பெறும் என்றும், அதிமுக ஒன்றுபட ஒருவருக்கு ஒருவர் விட்டுத்தர வேண்டும்’’ என்று தெரிவித்துள்ளார்.
