ஃபனி புயல் பாதிப்பு சென்னை உள்பட தமிழகத்திற்கு இருக்காது என்று வானிலை அறிக்கை கூறிய நிலையில் சற்றுமுன் கடலூரில் பயங்கர சூறைக்காற்று வீசியது. மேலும் இடி, மின்னலுடன் கூடிய மழையும் ஐந்து முதல் பத்து நிமிடங்கள் பெய்ததாகவும் தகவல்கள் வெளிவந்துள்ளது. கடலூர் மட்டுமின்றி புதுச்சேரி வில்லியனூர், அரியங்குப்பம், காலாப்பேட் பகுதிகளி்லும் பலத்த காற்றுடன் கூடிய கனமழை பெய்து வருகிறது
இந்த நிலையில் ஃபனி புயல் முன்னெச்சரிக்கை நடவடிக்கையாக சென்னை சென்ட்ரலில் இருந்து நாளை மற்றும் நாளை மறுநாள் இயக்கப்படவிருந்த 9 ரயில்கள் ரத்து செய்யப்பட்டுள்ளதாக தென்னக ரயில்வே அறிவித்துள்ளது. யஷ்வந்த்பூர் - முசாபர்பூர், சந்திரகாசி, ஹல்டியா, சாலிமர், ஹவுரா ஆகிய விரைவு ரயில்கள் ரத்து செய்யப்பட்டுள்ளதாகவும், * திருவனந்தபுரம் - சாலிமர், யஷ்வந்தபூர் - ஹவுரா செல்லும் 3 விரைவு ரயில்கள் மற்றும் நாளை மறுநாள் சென்ட்ரல் - ஹவுரா கோரமண்டல் ஆகிய விரைவு ரயில்களும் ரத்து செய்யப்பட்டுள்ளதாகவும் தென்னக ரயில்வே அறிவித்துள்ளது
