அது நாங்க இல்ல: ஓ.பி.எஸ்.க்கு திமுக ஆதரவு செய்திக்கு மறுப்பு

நம்பிக்கை வாக்கெடுப்பு நடந்தால் ஓ.பன்னீர்செல்வத்துக்கு திமுக ஆதரவு தெரிவிக்கும் என்று திமுக துணை பொதுச் செயலாளர் சுப்புலட்சுமி ஜெகதீசன் கூறினார். ஆனால் தற்போது இதற்கு திமுக தரப்பு மறுப்பு தெரிவித்துள்ளது.

திமுக துணைப் பொதுச்செயலாளர் சுப்புலட்சுமி ஜகதீசன்,

ஏற்கனவே திமுக துணை பொருளாலர் துரை முருகன் சட்டசபையிலேயே, ஓ.பி.எஸ்-யிடம், உங்களுக்கு எப்போதுன் எங்கள் ஆதரவு உண்டு.. நீங்கள் உங்கள் பக்கம் பார்த்துக் கொள்ளுங்கள் எனக் கூறியிருந்தார். அது போலவே திமுக தற்போது ஓ.பி.எஸ்-ற்கு ஆதரவு அளித்துள்ளது.

இது ஓ.பி.எஸ் என்ற தனிப்பட்ட மனிதருக்கு தரும் ஆதரவு இல்லை. ஒரு மாநிலத்தின் முதல்வருக்கு தரும் ஆதரவாக இதைக் கருத வேண்டும், என்று கூறினார்.

இந்நிலையில் அது தவறான செய்தி என்று திமுக தரப்பு மறுப்பு தெரிவித்துள்ளது. ஏற்கனவே திமுக செயல் தலைவர் மு.க.ஸ்டாலின், நாங்கள் என்றுமே ஓ.பி.எஸ்.க்கு ஆதரவு கிடையாது என்று கூறினார். ஆனால் திடீரென திமுக ஆதரவு அளிக்கும் என்ற செய்தி வெளியானது. பின்னர் அதற்கு மறுப்பி தெரிவிக்கப்பட்டுள்ளது.

மேலும் மேலும் தமிழக அரசியலில் திடீர் திருப்பமும், பரபரப்பும் அதிகரித்துக் கொண்டே செல்கிறது.