ரஜினியின் அரசியல் பேச்சு குறித்தும் சிஸ்டம் சரியில்லை என்று அவர் பேசியது குறித்தும் கிட்டத்தட்ட அனைத்து அரசியல்வாதிகளும் கருத்து கூறிவிட்ட நிலையில், நேற்று கட்சி ஆரம்பித்து இன்று முதல்வர் கனவில் மிதக்கும் தீபாவிடம் இருந்து இன்னும் எந்த அறிக்கையும் வரவில்லையே என ஏங்கிய கோடானு கோடி (!) தொண்டர்களுக்காக தீபா தற்போது அறிக்கை ஒன்றை வெளியிட்டுள்ளார். அதில் அவர் என்ன கூறியுள்ளார் என்பதை பார்ப்போமா!
மேலும், காவேரி பிரச்சனையில் ரஜினிகாந்த் நிலைபாட்டை தெளிவுபடுத்த தயாராக உள்ளரா? நீட் தேர்வுக்கு அறிக்கைவிடாதது ஏன்? இந்தி எதிர்ப்பு குறித்து பேசதயாரா? ஈழத்தமிழர் பிரச்சனை பற்றி வாயை திறக்காதது ஏன்? ஹைட்ரோ கார்பன் திட்டம் பற்றி ரஜினி அறிவாரா? அரசியல் களம் என்பது போர்க்களம் ஆகும். ரஜினி தேர்தல் களத்தை மட்டும் கருத்தில் கொண்டு போருக்கு தயார் என்று பேசுவதை நாட்டு மக்கள் அங்கீகரிக்கவில்லை.
திராவிட இயக்க மண் எளிதில் யாரிடமும் ஏமாறாது, ஏமாற்றவும் முடியாது, ரஜினி அரசியல் களம் குறித்து எனக்கு தனிப்பட்ட விருப்பு, வெறுப்பு இல்லை, தமிழ் மக்கள் உணர்வுகளை கண்ணாடியாக பிரதிபளித்து மக்களின் வேண்டுகளுக்காக இந்த அறிக்கையின் மூலம் மக்கள் விருப்பத்தை வெளியிடுகிறேன். இவ்வாறு தீபா தனது அறிக்கையில் தெரிவித்துள்ளார்.
