சென்னையில் இருந்து சவுதி அரேபியா, தாய்லாந்து ஆகிய பகுதிகளுக்கு விமான சேவை எண்ணிக்கையை அதிகரிக்க ஏர் இந்தியா திட்டமிட்டுள்ள நிலையில் சென்னை - பாங்காங் மற்றும் சென்னை - தமாம் ஆகிய இரு வழித்தடங்களில் புதிதாக இரண்டு விமான சேவைகளை புதன்கிழமை தொடங்கியுள்ளதாக ஏர் இந்தியா நிர்வாகம் தெரிவித்துள்ளது.
சென்னை - பாங்காங் விமான சேவை வாரத்தில் நான்கு நாட்கள் இயக்கப்படும் என்றும் அறிவிக்கப்பட்டுள்ளது. அதேபோல் சென்னை - தமாம் மற்றும் தமாம் - சென்னை இடையே இயக்கப்படும் புதிய விமான சேவை ஜூன் ஒன்றாம் தேதியில் இருந்து இயங்கும் என்றும் செவ்வாய் மற்றும் சனிக்கிழமை என வாரத்தின் இரண்டு நாட்கள் இயக்கப்பட இருப்பதாகவும் ஏர் இந்தியா அறிவித்துள்ளது.
