ஜூன் 28 ஆம் தேதி வரையிலான ஊரடங்கு நீட்டிப்பு அறிவிப்பில் பல்வேறு தளர்வுகள் அறிவிக்கப்பட்டது. அதில் ஒன்று சென்னையில் மெட்ரோ ரயில் இயங்கும் என்பது தெரிந்ததே. இந்நிலையில், நாளை முதல் ஞாயிறுதோறும் இனி காலை 7 மணி முதல் இரவு 10 மணி வரை மெட்ரோ ரயில் சேவை இயக்கப்படும் என மெட்ரோ நிர்வாகம் கூறியுள்ளது.
அதாவது, அரசு பொது விடுமறை நாட்களிலும் காலை 7 மணி முதல் இரவு 10 மணி வரை மெட்ரோ ரயில் இயக்கப்படும் என கூறப்பட்டுள்ளது. ஏற்கனவே 9 மணி வரை இயக்கப்பட்டு வந்த மெட்ரோ ரயில் சேவை இரவு 10 மணி வரை நீட்டிக்கப்பட்டுள்ளது.
