ஆனால், தற்போது உருவாகியிருக்கும் இந்த வர்தா புயல் நேரடியாக சென்னையை தாக்கியுள்ளது. இதற்கு முன் 1994ம் ஆண்டு அக்டோபர் மாத இறுதியில், சென்னை கடலூர் இடையே வங்கக் கடலில் உருவான புயல் மணிக்கு 115 கி.மீ வேகத்தில் கடுமையான காற்றுடன் சென்னையில் வீசியது.
அதன்பின், அதாவது 22 ஆண்டுகளுக்கு பின் தற்போது வர்தா புயல் இன்று சென்னை தாக்கியுள்ளது. இன்று பிற்பகல் 100-120 கி.மீ வேகத்தில் பலத்த காற்றுடன் புயல் கரையை கடக்கும். அதுவரை மழை பெய்து கொண்டே இருக்கும். இன்று இரவு வரை மழை பெய்யும் என எதிர்பார்க்கப்படுகிறது.
