கடந்த சில நாட்களுக்கு முன்பு மனிதநேய மக்கள் கட்சி சார்பில் நடைபெற்ற பொதுக்கூட்டத்தில், ஹெச். ராஜாவுக்கு கொலை மிரட்டல் விடுக்கும் வகையில் அந்த கட்சியின் நிர்வாகி தாம்பரம் யாகூப் என்பவர் பேசியதாக கூறப்படுகிறது.
இதனை அடுத்து, யாகூப்புக்கு எதிராக நடவடிக்கை எடுக்க வேண்டும் என்று தமிழக பாஜக மாநில துணைத்தலைவர் கரூர் நாகராஜன் உள்ளிட்ட பாஜக நிர்வாகிகள் காவல்துறையில் புகார் அளித்தனர்.
புகாரின் விவரம்: யாகூப், ஹெச். ராஜா மீது மிரட்டல் விடுக்கும் வகையில் பேசியதாகவும், அந்த நிகழ்ச்சியில் இரண்டு எம்எல்ஏக்களும் கலந்து கொண்டதாகவும் குறிப்பிடப்பட்டுள்ளது. மேலும், அவர்களுடைய முன்னிலையில் ஒரு அரசியல் கட்சியின் மூத்த தலைவரை 24 மணி நேரத்தில் கொலை செய்வேன் என்று பேசியுள்ளதாக புகார் மனுவில் குறிப்பிடப்பட்டுள்ளது.
