காரில் சென்ற பெண்களை திமுக கொடி பொருத்திய கார் மறித்ததாகவும், அந்த காரில் போதையில் இருந்த பொறுக்கிகளால் பெண்கள் அச்சப்பட்டதாகவும் அதிமுக அறிக்கை வெளியிட்டு இதுகுறித்த வீடியோவையும் வெளியிட்டுள்ளது. அந்த பதிவில் கூறியிருப்பதாவது:
சென்னை ECR-ல் காரில் சென்ற பெண்களை திமுக கொடி பொருத்திய கார் மறித்து, போதையில் இருந்த பொறுக்கிகள், கொடூரமான முறையில் பாலியல் ரீதியாகவோ, கொலை வெறியுடனோ, இதர நோக்கத்துடனோ தாக்குதல் நடத்த முயற்சித்த காட்சி!
காவல்துறை இருக்கிறதா?
திமுக கொடியோடு, இப்படியொரு பதைக்க வைக்கும் குற்றத்தை செய்பவர்களை கைது செய்ய வேண்டிய காவல்துறை, "இரவு நேரத்தில் உங்களை யார் வெளியே போகச் சொன்னது" என்று காரில் சென்ற பெண்களைப் பார்த்து கேட்டதாக அவர்கள் கூறுகின்றனர்.
