அதிமுக பொதுச்செயலாளராக ஜெ.வின் தோழி வி.கே.சசிகலா பொறுப்பேற்றதை தாங்கிக் கொள்ள முடியாத ஒரு அதிமுக தொண்டர், ஜெ.வின் சாமாதிக்கு சென்று விஷம் குடித்து தற்கொலை செய்து கொள்ள முயன்ற விவகாரம் பரபரப்பை ஏற்படுத்தியது.
இந்நிலையில், அதிமுக அமைச்சர்கள் மற்றும் நிர்வாகிகள் அவரை ஏற்றுக் கொண்டாலும், அதிமுகவின் அடிமட்ட தொண்டர்கள் மற்றும் பொதுமக்கள் அவரை ஏற்றுக்கொள்ளவில்லை எனத் தெரிகிறது.
இந்நிலையில், சசிகலாவின் தலைமையில் அதிமுக இயங்க உள்ள தாங்கிக் கொள்ள முடியாத, திருவள்ளூர் மாவட்டத்தை சேர்ந்த காரனோடையைச் சேர்ந்த ஒரு அதிமுக தொண்டர் இன்று காலை மெரினா கடற்கரையில் உள்ள ஜெ.வின் நினைவிடத்திற்கு வந்து, விஷம் அருந்தி தற்கொலை செய்து கொள்ள முயன்றார். இதனையடுத்து அங்கிருந்தவர்கள் அவரைக் காப்பாற்றி அரசு மருத்துவமனையில் சேர்த்தனர். இந்த விவகாரத்தால் அங்கு சிறிது நேரம் பரபரப்பு ஏற்பட்டது.
