கட்சி தலைமையை ஏற்கும் ஒருங்கிணைப்பாளர் மற்றும் இணை ஒருங்கிணைப்பாளர்கள் ஒரே சமயத்தில் போட்டியிடுவார்கள் என்றும், அவர்களை கட்சி உறுப்பினர்கள் தேர்வு செய்வார்கள் எனவும் திருத்தப்பட்டது. பின்னர் அதிமுகவின் உட்கட்சித் தேர்தல் டிசம்பர் 7 ஆம்ம் தேதி நடைபெறும் என்றும் வேட்பு மனுதாக்கல் 3, 4 தேதிகளில் நடக்கும் என அறிவிக்கப்பட்டிருந்தது.
ஆனால் இன்று அதிமுக ஒருங்கிணைப்பாளராக ஓ.பன்னீர் செல்வம், இணை ஒருங்கிணைப்பாளராக எடப்பாடி பழனிசாமி போட்டியின்றி தேர்வு செய்யப்பட்டுள்ளதாக அறிவிக்கப்பட்டது. வேறு யாரும் போட்டியிடாத காரணத்தால் இந்த முடிவு எடுக்கப்பட்டதாக தெரிவிக்கப்பட்டது.
