பிரச்சாரத்திற்காக இஷா தியோல் இன்று மதுரா வந்தடைந்தார். மதுராவில் வருகிற 24 ஆம் தேதி வாக்குப்பதிவு நடைபெறவுள்ளது. இந்த தொகுதியில் நான்கு முனைப் போட்டி நிலவுகிறது. சமாஜ்வாதி கட்சியின் சந்தன் சங், ராஷ்டிரிய லோக் தளம் கட்சியின் ஜெயந்த் சவுத்ரி மற்றும் பகுஜன் சமாஜ் கட்சியின் யோகேஷ் திவேதி ஆகியோரை எதிர்த்து ஹேமமாலினி களமிறங்கியுள்ளார்.
இதற்கிடையே வாக்குப்பதிவு இயந்திரத்தில் ஆளும் சமாஜ்வாதி கட்சியின் வேட்பாளர் சந்தன் சிங் மற்றும் ராஷ்டீரிய லோக் தளம் கட்சியின் வேட்பாளர் ஜெயந்த் சவுத்ரி ஆகியோரின் பெயர்கள் தங்களது பெயர்களுக்கு முன்னர் இடம்பெற்றிருக்கிறது என்று தேர்தல் ஆணையத்திடம் ஹேமமாலினியும் பகுஜன் சமாஜ் கட்சி வேட்பாளர் யோகேஷ் திவேதியும் புகார் அளித்துள்ளனர்.
இதுகுறித்து பாஜக மாவட்ட செயலாளர் ரவீந்திர பாண்டே கூறுகையில், “பெரிய கட்சிகளின் வேட்பாளர்களின் பெயர்களை முதலில் இடம்பெறச் செய்யாமல் மாவட்ட நிர்வாகம் ஆளும் கட்சிக்கு சாதகமாக செயல்பட்டுள்ளது. இதுகுறித்த புகார் முதன்மை தேர்தல் ஆணையர் உமேஷ் சின்காவிற்கு அனுப்பி வைக்கப்பட்டுள்ளது” என்று தெரிவித்தார்.
