2000 ரூபாய் நோட் கூட செல்லாமல் போகலாம்: பிரதமர் மோடி எச்சரிக்கை!

500, 1000 ரூபாய் நோட்டுகள் செல்லாது, அதற்கு பதிலாக புதிய 500 மற்றும் 2000 ஆயிரம் ரூபாய் நோட்டுகளை வங்கிகளில் பெற்றுக்கொள்ளலாம் என அறிவித்த பிரதமர் மோடி ஜப்பான் சுற்றுப்பயணம் மேற்கொண்டுள்ளார்.

அங்கு இந்தியர்களுக்கிடையே பேசிய பிரதமர் மோடி, இந்த நடவடிக்கை நாட்டை கருப்பு பணத்தில் இருந்து தூய்மைப்படுத்த எடுத்தது. யாரையும் கஷ்டப்படுத்த எடுத்த நடவடிக்கை அல்ல என்றார்.

சிலர் திருமணங்கள், மருத்துவமனை செலவுகளுக்கு சிரமப்பட்டார்கள் ஆனாலும் அவர்கள் இந்த முடிவை ஏற்றுக்கொண்டுள்ளனர். அவர்களுக்கு நான் தலை வணங்குகிறேன் என கூறினார் மோடி.

After 30th December, there's no guarantee that a similar scheme won't be rolled out: PM @narendramodi on curbing #blackmoney

— ABP News (@abpnewstv) November 12, 2016

பின்னர், 2 ஆயிரம் ரூபாய் பதுக்கலுக்கு வசதியாக இருக்கும், எதிர்காலத்திலும் கருப்பு பண பிரச்சனை தொடரும் என்ற எதிர்கட்சிகளின் குற்றச்சாட்டிற்கு பதில் அளித்த அவர், டிசம்பர் 30-ஆம் தேதிக்கு பிறகும் இதே போன்ற நடவடிக்கை எடுக்கப்படமாட்டாது என்பதை உறுதியாக சொல்ல முடியாது என்றார்.

அதாவது மீண்டும் வரும் காலத்தில் கருப்பு பணம் பிரச்சனை தொடர்ந்தால் மீண்டும் 2000 ரூபாயை செல்லாது என அறிவிக்க தயங்க மாட்டோம் என கூறுகிறார்.