சுஷ்மா ஸ்வராஜ், வசுந்தரா ராஜே ஆகியோரின் பதவியை பாஜக பறிக்கவேண்டும்: கெஜ்ரிவால் வலியுறுத்தல்

லலித் மோடிக்கு உதவிய சர்ச்சையில் சிக்கியுள்ள அமைச்சர் சுஷ்மா ஸ்வராஜ், ராஜஸ்தான் முதல்வர் வசுந்தரா ராஜே ஆகியோரின் பதவியை பாஜக பறிக்கவேண்டும் என்று  அரவிந்த் கெஜ்ரிவால் கூறியிருக்கிறார்.

இது தொடர்பாக முதல்வர்  கெஜ்ரிவால் விளக்கம் தர வேண்டும் என்ற கோரிக்கையை மாநில சட்டமன்றத்தில் பாஜக உறுப்பினர்கள் வலியுறுத்தி, நேற்று அமளியில் ஈடுபட்டனர்.

அப்போது முதல்வர்  கெஜ்ரிவால் பேசுகையில், ‘ நாங்கள் டோமரை பதவி நீக்கம் செய்தது போன்று, பிரதமரும் குற்றச்சாட்டுக்கு ஆளாகியுள்ளவர்களை நீக்க வேண்டும். நான் ஜிதேந்தர் டோமர் மீது நடவடிக்கை எடுத்தது போன்று பிரதமரும் சுஷ்மா ஸ்வராஜ், வசுந்தரா ராஜே சிந்தியா மீது நடவடிக்கை எடுக்க வேண்டும்’ என தெரிவித்துள்ளார்.