கொரோனா வைரஸ் பாதிப்பு காரணமாக கடந்த 2 மாதங்களுக்கும் மேலாக திருப்பதி ஏழுமலையான் கோவில் மூடப்பட்டு இருந்தது என்பது தெரிந்ததே. இந்த நிலையில் தற்போதைய ஐந்தாம் கட்ட ஊரடங்கில் பல்வேறு தளர்வுகள் அளிக்கப்பட்டதை அடுத்து ஜூன் எட்டாம் தேதி முதல் அனைத்து மத வழிபாட்டுத் தளங்களையும் திறக்க மத்திய அரசு அனுமதி அளித்திருந்தது
இந்த நிலையில் திருப்பதியில் இன்று முதல் பக்தர்களுக்கு அனுமதி வழங்கப்படுவதாக தகவல்கள் வெளிவந்தது. இன்றும் நாளையும் தேவஸ்தான ஊழியர்கள் மற்றும் அவர்களுடைய குடும்பத்தினருக்கு மட்டும் தரிசனம் செய்ய அனுமதிக்கப்படும் என்றும் பத்தாம் தேதி முதல் உள்ளூர் பக்தர்கள் தரிசனம் செய்யலாம் என்றும் பதினோராம் தேதி முதல் வெளியூர் பக்தர்களுக்கு தரிசனம் செய்ய அனுமதிக்கப்படுவார்கள் என்றும் திருப்பதி தேவஸ்தானம் அறிவித்துள்ளது
